亂局下如何部署？

今日亂局，大家都唔想見到，可能都會感到迷惘。
然而細心想想，亂局的導火線，是特首提出的逃犯條例修訂案，大家擔心若條例通過，香港的法治會受到衝擊，甚至外資都會撤離，然而事情發展到今天，已經可以肯定條例在可見的將來不會重提，就像當年的23條一樣，擔心的情況將不會出現，外資撤離的最大誘因已不復存在。現在最麻煩的是社會撕裂，是否不可收拾呢？對於後市，有幾點預測大家要留意：

1. 長遠供應急跌：根據政府的數據顯示，兩、三年後市場供應出現斷崖式下跌，大約比現時下跌三至四成。
2. 建樓步伐慢：受制於新樓空置稅，發展商有充足的誘因，減慢建樓步伐，令供應進一步下跌。
3. 房屋政策泡湯：由於政府公信力大跌，特首做乜都錯，相信很多政策，包括增加土地及房屋供應的政策，都會因而被推倒，尤其是供應量最大的明日大嶼，未來香港私樓的供應量，將會進一步下跌。
4. 又印銀紙：環球又可能會出現另一浪的量化寬鬆，到時銀紙將會進一步貶值，資產或會再被熱炒。
5. 財富效應：睇睇最近的新盤，稍為平少少，已經瘋狂排隊，映日灣收飛 8900 張，今次是一人一飛，不能轉名，可能相等於以往其他盤的 20000 飛，可想而知香港人的財富是如何驚人。

因此，筆者認為，今次即使下跌，應該都唔會跌得太多，可以跌到年初的價錢已經還神了。
所以，應該趁今次的亂局，已經買樓的可以重整、優化組合，例如拆名、一間變兩間、舊換新、細換大等。未買樓的，應該趁今次機會，好好鋤價，未來一兩年，新樓供應都多，加上政局混亂，應該唔會開價太高，低價入市，增加手上的資產，似乎少是更踏實的選擇。
機會已經心木悄悄來臨，年初錯過咗的朋友，應該已經很後悔，唔好再錯過啦！