買樓給子女才是好爸爸？

朋友Ａ：「結咗婚兩年啦喎，幾時生番個？」
朋友Ｂ：「諗吓先啦，可能唔生啦！」
筆者：　「吓？！你哋唔係話鍾意小朋友架咩？」
朋友Ｂ：「以前就係嘅，而家唔係咁鍾意啦。」
朋友Ａ：「受咗咩刺激呀？咁大轉變嘅？」
朋友Ｂ：「而家做老豆好辛苦架。」
筆者：　「咩年代做老豆都辛苦架啦，值得嘅！」
朋友Ａ：「你就梗係口响啦，咁多樓收租，生多幾個都冇所謂。」
筆者：　「唔一定要洗好多錢嘅，唔讀咩國際學校咪得囉。」
朋友Ｂ：「讀書事小，而家做老豆，要買埋樓俾仔女架。」
朋友Ａ：「咁又係喎，你自己都仲租緊樓，點買？」
筆者：　「自己大個識賺錢啦，唔一定要你買嘅。」
朋友Ｂ：「你講呀！個個同學都有，你冇，咪好唔開心。」
朋友Ａ：「咁又係喎，而家好似…買樓俾仔女先叫好老豆。」
朋友Ｂ：「如果唔生，都仲可以食好啲、著好啲去吓旅行。」
朋友Ａ：「生咗，細要供書教學，大要買埋樓俾佢，唉~~」
朋友Ｂ：「咪係囉，點解要作賤自己呢？」
筆者：　「唉…」

父親節快樂！
父親、母親確實偉大，而且越來越偉大！
近年，越來越多朋友傾向婚後唔生！部份因為對香港前途冇信心，部份因為生活成本太高。正如朋友所講，自己都未能夠安居樂業，怎會有信心給下一代好的成長環境？怎有能力買樓給他們？每個年代都有自己的困難，上一代經濟環境差，反而願意生兒育女！筆者父母理念是…天生天養，知足常樂，不一定要住洋樓、養蕃狗，平平凡凡、平平安安就好。我們也從沒想過要父母買樓給自己，反而父母對子女有期望，養兒防老，老來從子。
 
是高樓價惹的禍？
不知從何時開始，好爸爸、好媽媽的定義是…買樓給子女！新盤現場記者訪問準買家，很多父母都高談闊論…買樓給子女，被塑造成慈父、慈母，難道買不起樓的，就不是好爸爸、好媽媽？
朋友仔Ａ： 「我阿爸買咗匯璽俾我！」
朋友仔Ｂ： 「你就好啦，我阿媽買咗海之戀俾我咋！」
朋友仔Ａ： 「你呢？你父母買咗邊度俾你？」
自己個仔： 「冇呀！佢哋話冇錢。」
朋友仔Ｂ： 「咁點呀？唔通要你自己買呀？」
朋友仔Ａ： 「你阿爸阿媽都唔鍚你嘅。」
…可憐！是的！正如朋友所說，如果孩子身邊的同學、朋友，個個都有父母買樓，自己沒有，多不快樂！與其無法滿足社會被扭曲的價值，不如唔生！何必辛辛苦苦養大仔女，反被埋怨？
 
還是香港人太有錢了？還是政策扭曲？
高樓價不是元凶，1997的時候都是高樓價，但都沒有這個問題，最主要的原因是政策！政策！不但扭曲了樓價，更扭曲了價值觀！以前的父母，即使自己賺到錢，都不一定會買樓給子女，因為自己名下可以買很多個物業，老了、快要離世了，才分身家。
現在呢？政府推出第二套房15%印花稅，全港市民立即轉動腦筋，如何可以慳稅！香港人很有錢，有錢沒處花，總要買資產，自己不能買，就買給家人，有錢父母，用子女名義買樓，被讚美為慈父、慈母；有錢子女，用父母名義買樓，被讚美為孝子、孝女。
 
今天要做好爸爸，財富、資產要求更高。
一份工作、一份收入…是不夠的！要有多幾個收入來源！
很多朋友都奇怪，為甚麼香港人那麼有錢，樓價那麼貴，仍然打晒蛇餅搶購新樓，破晒頂去搶二手樓。一個家庭要花的錢不少，那裡來那麼多收入呢？秘密是…絕大部份的千萬富翁，其實都有好幾個收入來源，工作的收入，只是其中之一，還有投資的斬獲、副業賺的錢、物業及資產帶來的現金流等，要做富一代，做好爸爸，就要學會開拓收入來源啊，不然怎麼買樓給子女呢？
 
如果筆者當了爸爸，不會直接買樓給子女。
從沒付出過，就不會珍惜，寵壞了！
筆者或會借他們首期，要他們自己供、自己投資，能走多遠，就要靠他們自己的本事。唸書嘛…筆者不甚麼名校、國際學校，但是理財嘛…一定要從小就學。在今天的定義下，可能不是好爸爸呢！
各位爸爸，努力啊！