加息之後，開始有減價，好多朋友問，會唔會真調整？…銀行一方面加息，另一方面估價又不斷升，到底推上定推落？想買樓一定要睇實銀行、政府、業主幾方面的關鍵角力…
朋友： 噚日代理介紹咗個盤俾我，話好筍~
筆者： 講得就梗係話筍架啦，點筍先？
朋友： XX花園細則，業主開530萬，銀行估540萬！
筆者： 咁就筍架嗱？
朋友： 估凸價喎！
筆者： XX花園？睇睇先…最近成交500萬咋喎~
朋友： 係咩？點解嘅？
筆者： 好常見啦，估到唔代表成到~~
朋友： 仲以為因為呢排講加息，有筍盤添~~
筆者： 有的，開始有業主減價，不過要俾心機搵！
加息之後，市場上終於出現一些減價新聞與評論。
過去一年，樓市升到你迷信，每天都是破頂新聞，評論幾乎一面倒說樓價會繼續上升，偶爾有人提出相反意見，總之一提到減價、跌等字眼，都會被廣泛批評，市場氣氛異常亢奮。與此同時，身邊其實有很多未買樓的朋友都期望樓價會稍為下跌，見樓市氣勢如虹，唔敢出聲。其實跌唔跌，並非單一因素可以決定，就最近市場所見筆者覺得有幾個因素正在角力，部份因素，如果不是落場實戰，你未必會聽過，但影響深遠…
銀行、政府、業主…3大關鍵！將會各自面對角力！
銀行：放水VS收水？…取向角力
加息（跌）
各大銀行陸續提高鎖息上限，不過今次所謂加息，然而對一般供樓人士來說，只是供多0.2%，以一個500萬的單位，借8成按揭，30年期為例，每個月只需要供多400多元。
不少朋友形容：「食餐飯都冇咗啦！」
說的也是，幾百元實際上沒甚麼大不了，然而今次加息只是開始，如果未來幾年調高2%，供款就會多4,000多元，才見真章。
不過如果銀行資金壓力大，要收水，咁就另計囉~~
估價（升）
正如前文所說，銀行估價進取，是推高樓價的一大動力！舉例，明明類似單位，市場成交價只是500萬，但是估價可以去到520萬、530萬，甚至550萬。過往很多時候熱門屋苑才有這種情況，最近就連舊區的單幢樓都陸續出現！
問題在那裡呢？大！業主開價的時候，固然會睇住銀行估價開，代理推盤的時候，估足價、估凸價，都是強而有力的賣點。買家追價的時候，如果經驗不足，唔識睇成交、唔識睇回報、唔識秤，就很容易會被吸引，盲目高追甚至創新高！
如果銀行收水，高抬貴手，調低估價，形勢就有變囉！
政府：娥6招VS 前朝出錯辣招？…政策角力
娥 6 招（跌）
過去一年大部份發展商求價不求量，有樓都唔急賣，慢慢賣，最緊要價錢靚，甚至流行招標，特色單位又招，分層單位又招。最近形勢好像有點轉變，筆者樓下的商場，最近都多了很多代理，除了正在開賣的新盤，一些之前的新盤貨尾都在熱推，訂價方面，雖然都係貴，但感覺上沒有過往那麼進取。受空置稅政策影響？還是發展商都覺得市場形勢有變，不如先出貨套現？不得而知。
前招辣招（升）
之前的文章都講過很多次，非首置15% 印花稅是令樓市一發不可收拾的最大元兇，在這個政策下，擁有超過一個單位的業主，個個都唔捨得賣樓，擔心賣咗買唔番，於是二手供應幾何級數下跌。如果最近你有去舊區睇樓，你會發現鎖匙量更少得驚人，有兩個相熟的舊區，600萬樓下的物業，全區只有一條鎖匙！非常恐佈！既然如此，業主又何須平賣呢？除非政府及政客醒覺，放鬆辣招，不然在這個供求失衡的情況下，大趨勢難以扭轉。
業主：見好就收VS盲目睇升…心理角力
升得太多（跌）
有專家指出樓市有機會跌兩成，好友朋友見到當然怒火中燒，不過細心諗諗，其實跌兩成也並不是甚麼大事件！試想想過去一年，尤其是細價樓市場，明明400萬的單位，衝破9成按揭門檻之後，勢如破竹直撲8成門檻關口，現在都叫賣500多萬了。即使跌兩成，都未能回到一年前的價，有甚麼大不了呢？
死都唔賣（升）
很多業主，都是早幾年2、300百買回來的，賺了好幾百萬，就算減100萬只是「面嗰浸」而已，如果對後市的信心動搖，減價的空間很大，只是願唔願意減而已。如果有信心，另一個角度看，持貨能力很強，問題是為甚麼他們信心會動搖呢？政策覓地遙遙無期，除非政府突然勇猛，搞定填海、收棕地等棘手問題，公佈未來有超大量供應，不然也很難扭轉。
總結來說，雖然加息未必可以令樓價顯著下跌…但最少最近可以看到一些下行力量，短期內樓價升幅有放緩，情況可能會像2013年政府推出3D辣招之後，市場曾經有一年左右的冷卻，整體指數未必會跌得好多，大約是幾個%，但部份業主軟化，可能有機會買到比現價低10% 或以上的物業，計劃買樓的朋友要好好把握機會，裝備自己，迎接機會的來臨。
報名連結：https://www.onepercent.com.hk/yes
Anthony Sir 8小時物業投資精華體驗班
Lesson 1：開闊眼界！原來買樓可以賺咁多 (Brian Sir 主講)
Lesson 2：新手上車．致富攻略！賺取你的第一桶金 (Anthony Sir 主講)
Lesson 3：高手投資．攻防戰！突破辣招倍增資產 (Anthony Sir 主講)
Lesson 4：財技！按揭槓桿，買樓原來可以唔使錢 (Anthony Sir 主講)
Lesson 5：高手專題 – 強大導師團 讓你成為專業投資者
Lesson 6：真劈價．買平超過100萬 (Brian Sir 主講)
了解課堂內容：https://www.onepercent.com.hk/yes
精彩內容：
– 炒家21式 高買低賣常用技巧
– 獨創YOURS揀樓法則 認識不同的物業投資策略
– 出價3部曲 教你如何鎖定買入價
– 秤貨4部曲 尋找低水兩至三成的筍盤
– 零售期買樓技巧
– 創造現金流 40厘回報投資點做？
– 真實個案 分享如何買平超過100萬
– 打造物業黃金組合 冇首置名額都有投資機會
– 最少兩小時任問任答 手把手幫大家上車
了解課堂內容：https://www.onepercent.com.hk/yes
Anthony Sir/Brian Sir不定期Facebook Live
請讚好及追蹤Facebook專頁「第一桶金」收看﹗
********************************************************
關於【１％ 投資培訓】
過去 10 年…協助無數年青人成功上車，協助無數小業主賺取千萬資產，財務自由！
1%由2009年開始創辦投資課程，以實戰方式、手把手替同學上車，然後再透過財技將買得的物業一變二，二變四，然後再投資於工廈增值、大陸樓等其他物業範疇，為大家製造被動收入，達到財務自由。
想了解更多買樓知識及我們課堂內容，歡迎先報名Anthony Sir 8小時物業投資精華體驗班，只需$588，但大家買樓隨時可以慳上幾十萬，絕對值得﹗
口碑載道，學員正面評價無數 —>>> daydaygain.com/?comment
