樓市轉勢，最近很多報導都說嘉湖山莊有劈價成交。進擊嘉湖山莊不是今天的事，去年年底住宅兵團已經出擊！一年唔夠，賬面就賺了超過150萬！最近樓市調整，業主叫價回落了不少，又是翻叮的時間！
朋友： 樓市好似轉勢喎！係咪買樓時機？
筆者： 係！開始減價啦，快啲出去睇樓！
朋友： 睇邊度好？
筆者： 你住開新界，睇嘉湖山莊啦！
朋友： 悲情城市喎！
筆者： 公屋居屋嗰邊先係，嘉湖點同？
朋友： 你哋都有留意嗰區？
筆者： 舊年低位掃咗幾間，間間賺百幾萬啦！
樓市轉勢，想趁機會上車買樓？買甚麼好？
最近很多報導都說嘉湖山莊有劈價成交，你敢唔敢去？
樓市升的時候，大部份覺得越遲買會越貴，越貴越追，盲創新高！現在樓市氣氛轉淡，樓價調整，有平嘢執，部份大屋苑叫價已回落近一成，大部份人反而猶豫、觀望，反而唔敢買，實在難以理解！相反筆者與學員都磨拳擦掌，準備出擊執平貨！
進擊嘉湖山莊不是今天的事，去年年底住宅兵團已經出擊！
一年唔夠，賬面就賺了超過150萬！
每年都有機會！…即是2017年，雖然大部份時間都是上升，但我們仍然捉緊了一個較淡靜的時間執筍盤，其中一個出擊的地方就是嘉湖山莊，去年10月搞了一次「新界西北睇樓團」，發現有筍盤，於是就再跟進，幾位學員亦成功買入三房單位，入貨價最平的學員，以480多萬入，一個中層、普通質素的單位；入貨價最貴的學員，以510萬多萬買入，但卻是一個極高層、優質的單位。到了今年，這個價錢只能夠買兩房了，三房單位普遍都要650萬或以上！
最近樓市調整，業主叫價回落了不少，又是翻叮的時間！
跌幾多？幾錢買？應該買那座？那些單位？
論呎價，以大屋苑來說，嘉湖山莊仍然低水，遲啲新地天榮站項目推出，如市況好轉，賣到好價，相信會推高區內樓價。
嘉湖山莊…個個都聽過，但未必去過！先重點介紹一下…
先此聲明，筆者不是地產雜誌，不會花太多篇幅作詳細介紹，例如每期有幾多座，每座有幾多層，有幾多條巴士線等等，這些資料在官網或其他地產雜誌網站都可以找到。筆者只重點介紹一些重要的資料，分享一些會影響投資決策的資訊。
【講規模】嘉湖山莊 是全港最大的私人屋苑
近年，無論樓市升跌，嘉湖山莊的價錢都非常敏感，所謂升得快、跌得快！成交價高低，備受傳媒及市民關注，最主要因為…大！
屋苑位於新界西北的天水圍，據官網資料顯示，整個屋苑佔地面積逾 400 萬呎，分 6 期包括樂湖居、賞湖居、翠湖居、麗湖居、美湖居、景湖居發展，合共 58 座住宅大廈，單位 15,880 個！
除了住宅，屋苑設有兩個會所 – 嘉湖會所及嘉湖鄉村俱樂站，另有逾 100 萬呎商業面積，包括有兩個主要商場 – 新北江商場及嘉湖銀座（現稱置富嘉湖）商場，一間酒店 – 嘉湖海逸酒店，另屋苑綠化空間約 360 萬呎，亦是全港屋苑之最，屋苑中間還有一個約 16 公傾的天水圍公園等…一個字…大！
【講開則】座數多，伙數多，開則種類卻不算多！
近年很多大型屋苑都會有很多不同的開則，有大單位吸引換樓客，同時亦有納米細單位吸上車客，嘉湖山莊不同，屋苑座數多、伙數多，但開則種類不多，對於買樓人士來說…幾易睇！
每座樓主要是三梯八伙設計，沒有工人房、露台、工作平台。單位為當年流行的鑽石廳，優點是隱私度較高，避免窗望窗，景觀、採光、通風等較優勝。缺點嘛，送了傢俬入屋就知道，較難擺位！
屋苑間格主要分三大類：兩房、細三房、大三房
細單位兩房，今時今日來說，絕對唔細，實用面積約440多呎。
細三房，實用面積約540多呎，沒有套廁。
大三房，實用面積約630多呎，有套廁。
每座每個單位呎數或有些少差別，高低層、結構有別嘛。
另外亦有些特色單位，相連、複式，不是主流，不多談了。
【講心水】嘉湖山莊咁大，咁多期，咁多座，應該點揀？
很多人第一個反應，都是揀近西鐵站，交通方便嘛…
未必！真係去睇過，跟住在嘉湖的朋友傾過，先知~~
深入睇過幾次，除了資深、相熟的代理，學員還找來住在嘉湖山莊多年的朋友，帶我們到處逛，介紹自己住在這裡多年的點滴。
從西鐵天水圍站出，先經過居屋天盛苑，然後就到第一期的樂湖居及第二期的賞湖居，還有新北江商場。無可否認這裡距離西鐵站最近，步行數分鐘就到，交通出入最方便，但朋友說，這裡不是嘉湖山莊的優質地段。首先由於入伙年期較早，無論設計、裝潢，都比較舊。再加上鄰近大型居屋，人流比較多，比較複雜，跟朋友走進新北江商場逛逛就感受到了，大部份都是細舖，主要賣平價貨品，食肆多數是地道小店。走遠一點，越走進去，感覺越是不同，屋苑的設計、裝潢亦比較新，經過天水圍公園後，我但到達嘉湖銀座商場，管理質素明顯較高，寬敞舒適，連鎖食肆、商店，朋友說，最初都是住近西鐵站，後來搬過這邊，貴啲都值得！
買的時候，當然要睇價錢，但原來離西鐵較遠，環境反而更好。
【講策略】買兩房好定三房好？
很多人第一個反應，嘉湖山莊是上車樂園嘛，當然應該買細單位。相反代理的第一個反應，當然想你買大三房。
未必！…不同市況買不同的樓，計過先知！
按揭！…買樓不能只看買樓，必須要配合按揭的策略！
當時其中一位代理這樣分析：「住得入嚟天水圍，當然係希望可以住大啲住好啲，大三房有套廁，最啱一家大細，租務最搶手。其次是兩房單位，啱小家庭，相反細三房租務較慢。」即使如此，也不能斷定大三房最值得買，買樓不是只看租金回報的，最重要還是賺升值。如果早兩、三年，筆者會建議學員買兩房。然而在去年，筆者則建議學員買三房。始終我們目的是投資，因應不同的市況，不同的政策，就應該有不同的策略。至於今天應該買甚麼最值搏？絕對需要配合按揭政策，篇幅所限，按揭講座再分享。
報名連結：https://www.onepercent.com.hk/yes
Anthony Sir 8小時物業投資精華體驗班
Lesson 1：開闊眼界！原來買樓可以賺咁多 (Brian Sir 主講)
Lesson 2：新手上車．致富攻略！賺取你的第一桶金 (Anthony Sir 主講)
Lesson 3：高手投資．攻防戰！突破辣招倍增資產 (Anthony Sir 主講)
Lesson 4：財技！按揭槓桿，買樓原來可以唔使錢 (Anthony Sir 主講)
Lesson 5：高手專題 – 強大導師團 讓你成為專業投資者
Lesson 6：真劈價．買平超過100萬 (Brian Sir 主講)
了解課堂內容：https://www.onepercent.com.hk/yes
精彩內容：
– 炒家21式 高買低賣常用技巧
– 獨創YOURS揀樓法則 認識不同的物業投資策略
– 出價3部曲 教你如何鎖定買入價
– 秤貨4部曲 尋找低水兩至三成的筍盤
– 零售期買樓技巧
– 創造現金流 40厘回報投資點做？
– 真實個案 分享如何買平超過100萬
– 打造物業黃金組合 冇首置名額都有投資機會
– 最少兩小時任問任答 手把手幫大家上車
了解課堂內容：https://www.onepercent.com.hk/yes
Anthony Sir/Brian Sir不定期Facebook Live
請讚好及追蹤Facebook專頁「第一桶金」收看﹗
********************************************************
關於【１％ 投資培訓】
過去 10 年…協助無數年青人成功上車，協助無數小業主賺取千萬資產，財務自由！
1%由2009年開始創辦投資課程，以實戰方式、手把手替同學上車，然後再透過財技將買得的物業一變二，二變四，然後再投資於工廈增值、大陸樓等其他物業範疇，為大家製造被動收入，達到財務自由。
想了解更多買樓知識及我們課堂內容，歡迎先報名Anthony Sir 8小時物業投資精華體驗班，只需$588，但大家買樓隨時可以慳上幾十萬，絕對值得﹗
口碑載道，學員正面評價無數 —>>> daydaygain.com/?comment
