月入 6 萬小家庭有自住樓…高位套現、拆名，中港兩地 1 間變 4 間！

除了宣傳及銷售策略，最殺食的當然還有高成數按揭。
相信盲都睇到！唔明點解政府視若無睹！…大部份新盤都有提供備用一按、備用二按，有些新盤甚至推出呼吸Plan，吸氣、呼氣…搞掂！借！買二手樓，600萬以上又要4成或以上首期，借按揭又要壓力測試，新樓隨時可以借到8成，邊有得揀？好多人都話多新供應會令樓價降溫，現在看看新盤市場，似乎又未必，個個新盤都會造勢，反而拉升了附近的樓價。

以上種種因素，都令買家湧向一手市場，做成樓市旺爆的假象。
其實在二手市場，成交甚為淡靜，不少朋友放盤，放了幾個月都無人問津。不過因為政策扭曲，最敗筆的是第二套房15% 印花稅，業主驚賣咗買唔番，個個都唔放盤，就算放都要高價先賣，今天市場順風順水仍然頂得住，遲啲外圍因素有變就唔敢包。

你的物業並非最搶手類別，短期內未必可以以高價賣出！
不如先趁高人卜廿位套現，然後運用資金倍增資產！
不如兩手準備，趁估價高轉按套現，順便拆名。意思是你太太將聯名單位的一半業權轉讓給你，太太有名額可以再伺機多買一個單位收租。就當你的單位市值600萬，轉按最多借8成，即480萬，套現300多萬。你太太雖然收入不多，但可考慮買連租約盤，做5成按揭，租金收入打折後可計算在內，可買400萬以下物業。
預算如此，但不必現在買，現在是樓價處於高峰，你們已經有自住樓，有本錢多等一會，可以將這部份先放在按揭掛勾高息戶口等候機會。
 
一間自住，再買個細單位收租，兩夫婦名額用完了，怎辦？
餘下資金，可以考慮投資大陸樓，轉眼間就一間變四間了。
大陸很多二、三線城市的物業，幾十萬都有交易！
部份更可以在大陸的銀行申請按揭，買兩、三間都仲得，如果成事，轉眼間就一間變四、五間了！
不過要留意，二、三線城市特性，如果揀對，隨時爆升幾倍，如果揀錯，隨時坐艇，必須要小心。