如果你手上有5000萬 你會否買樓？

最近投資氣氛很差，股市跌，債市跌，加密貨幣跌，很多打工仔就連強積金都輸唔少。樓價雖然都由高位回落，但算叫跌得少。然而，叫身邊朋友買樓，他們都話唔買住，然後說了十萬個不買樓住的理由，怕加息，怕失業，怕負資產…… 但如果調轉頭問他們一個問題，他們的答案又會截然不同﹗

市況差，很多朋友都有一個疑問：「還有甚麼可支持樓價？」
也有很多朋友認為，目前買樓不是首選。

然後我就會問他們這個問題：「如果你中咗六合彩金多寶，舉例有5000萬，會買甚麼？」

前前後後問了幾十個朋友，不約而同都說…買樓！

加息並非不買樓理由

可能因為投資氣氛差，可能因為環球經濟不明朗，歐洲及美國均面臨着幾十年來最嚴重的惡性通脹，需要在未來大力加息。

香港都有機會要跟加息，令到供樓壓力增加，樓價下調等等。之前在我們的YouTube頻道「第一桶金」的LIVE已經分析過，加息與否，加多少，並不是斷估，而是按銀行體系結餘，看看有沒有資金流走的情況而定。目前並沒有太大壓力，估計未來即使跟加亦不會跟太多，實際影響不大，有興趣可到我們的頻道收看。

不買樓真正原因

大家目前不想買樓，更大程度是因為一般人未累積足夠的財富。

對一般的打工仔來說，買樓是一件很吃力的事，要儲首期，要每個月供樓，再加上因為他們不是專業投資者，不懂得估算將來的回報，所以沒有信心，不如買其他投資產品算了，或者到外國買樓算了。

然而當我問他們，如果有5000萬在手，會買甚麼？他們不約而同說買樓，這代表甚麼？

不是他們不想買，只是目前還未有足夠能力。然而當有能力，可以隨意選擇，很多人都會買樓！

是的，如果資金唔多，你唔會買樓；如果資金充足，你就會買！
所以最近很多資深投資者、機構投資者，密密低吸筍盤，因為，可靠的資金出路不多…

買樓仍是最穩陣

買股票？…上半年好多股票都大跌，輸死人！
買債券？…好多違約，尤其國內企業如內房，又係輸死人！
買虛幣？買NFT？…好多跌超過9成，血本無歸！
做生意？…行街有眼見啦，吉舖多過便利店！

睇來睇去，都係買樓最穩陣，雖然回報未必好高，最少穩陣，跌極有個譜，唔會跌太多，有需要也可以用來融資借錢，所以有錢的都會買樓，就算唔買晒，都買一半。

散戶多數買住宅，專業投資者可能會買工商舖，機構投資者甚至會全幢全幢的買，趁現在氣氛差，價錢平，而家唔買，唔通等貴咗先買咩？

甚麼支持樓價？放心！很多因素，很多資金支持！
只是一般散戶未到這個層次，睇唔到而已…