二手樓漏水點算？ 識得處理 可以慳好多

很多人很怕買到漏水樓，尤其是遇上一些樓齡超過30年的舊樓，或是頂樓連天台單位，都因為害怕漏水，即使價錢好平都不敢買，就是怕買了要支付龐大的維修費。究竟二手樓漏水是否很大問題？有沒有根治方法？成本要多少呢？

每次筆者遇到上述問題，都必定會這樣回覆：「放心，唔使驚，定啲嚟，一定漏！」

老老實實，廿幾三十年樓，日日風吹兩打，點會冇破損？換了是你站在街上，日曬雨淋，兩、三個小時就暈了，何況暴露在風雨下幾十年的二手樓呢？不過只要識得處理，漏水又唔算係好大件事！

窗邊漏水 點搞？

通常最常見的漏水問題，發生在窗邊…
嚴重的情況是…以前筆者有個臨海單位，向西北，打風落雨時，雨水從窗邊湧進來，倒水咁倒，成張床濕晒，直頭要搵毛巾塞住窗邊。不太嚴重的情況是…窗邊的牆身有水漬，油漆、牆身剝落。

如何處理？要換窗嗎？當然不用！
一般來說，是因為窗的膠邊老化，只要換上新的膠邊，重新打過玻璃膠就可以。單位內牆身有水漬、有剝落處，就剷底、補牆、髹油。如果是單位外的牆身，窗邊位置髹一層防漏油，搞掂！幾錢？視乎功夫多少而定，通常一、兩千埋單，可以頂一、兩年。

如果換窗…..

一係唔換，一換就梗換埋觀景玻璃窗。成本方面係會貴少少，因為咁大塊玻璃，必須要做強化，如果冇乜景就冇所謂，但如果有靚景，就唔好慳呢少少，換番個觀景玻璃窗，將靚景引入屋內，單位都會升值。

一般窗框係銀色，不過其實乜色都有，好多人會揀白色，但係呢期我哋鍾意玩黑色…

天台漏水 點搞？

至於連天台單位，漏水問題當然會更嚴重！

由於天台是最高的樓層，上面沒有單位掩護，雨水直接衝擊地面，如果去水做得唔好，例如地台唔夠斜，地面積水，就很容易會滲到樓下的單位。

所以筆者一般會先拆掉所有僭建，然後就在地面舖上英泥沙，然後師傅就會在上面再做防漏，做完之後，再考慮是否舖磚。舖磚的話，如果將來再有漏水情況，要拆磚修理就麻煩。

筆者喜歡用看似戶外木的物料，舖上面就可以，將來要再維修就更方便。

幾十年樓，很難避免，就不要執着於根治了。
如果可以改善八、九成，每隔幾年才需要修補一吓，已經很不錯，如果本身怕裝修、維修的朋友，最好不要買這些特色單位了。